Yordam
Burro AI matn qaysi yoshdagi bolaga tushunarli ekanini ko'rsatadi, qiyin so'zlarni belgilaydi va ularga soddaroq so'z taklif qiladi. Ota-ona kitobni farzandiga mosligini, muallif va tarbiyachi esa matnni maqsadli yoshga moslashtirish uchun foydalanadi.
Qanday ishlaydi
- «Matn kim uchun?» — farzandingiz yoki o'quvchingiz yoshini tanlang (ixtiyoriy).
- Faylni yuklang (PDF, DOCX, TXT), matnni joylang yoki qog'oz kitob sahifasini «Kitob sahifasidan» yo'riqnomasi bilan oling.
- Natija ekranining tepasidagi kartada javob chiqadi: mos, qisman mos yoki hozircha qiyin, tushunarlilik foizi va qiyin so'zlar soni.
- Qiyin so'zni bosing: uning yoshi, misol va soddaroq so'z chiqadi. «Soddalashtirish» oynasida takliflarni qabul qiling, «O'qish rejimi»da toza matnni bolaga o'qib bering.
Yosh guruhlari
| Guruh | Yosh | Qanday so'zlar |
|---|---|---|
| 1+ | 1 yosh | Eng oddiy so'zlar: ona, ota, suv, non |
| 2+ | 2 yosh | Kundalik narsalar, ranglar va oddiy harakatlar |
| 3+ | 3 yosh | Maktabgacha kichik yosh: atrofdagi tanish tushunchalar |
| 4+ | 4 yosh | Maktabgacha katta yosh: keng tarqalgan tushunchalar |
| 5+ | 5–6 yosh | Maktabga tayyorlov: maktab, tabiat, jamiyat |
| 7+ | 7–9 yosh, 1-2-sinf | Mavhum tushunchalar, tarix, madaniyat |
| 10-12 | 10–12 yosh, 3-4-sinf | Ilmiy, falsafiy va murakkab atamalar |
Natijani qanday o'qish
- Tushunarlilik foizi — matndagi so'zlarning qancha qismi tanlangan yoshdagi bolaga tushunarli bo'lishi kutiladi.
- Mos — 95% va undan ko'p, qisman mos — 85–94%, hozircha qiyin — 85% dan kam.
- Tavsiya etilgan yosh — so'zlarning aksariyati (taxminan 85%) tushunarli bo'ladigan eng kichik yosh. Yosh tanlamasangiz, hammasi shu yoshga nisbatan ko'rsatiladi.
- Qiyin so'z — tanlangan yoshdan katta guruhdagi so'z; matnda qizil to'lqinli chiziq bilan belgilanadi.
- So'z oynasidagi «✓ Yoshini ekspertlar tasdiqlagan» — so'zni bir necha ekspert mustaqil baholagan. «Avtomatik baho» — baho lug'at yoki AI xizmatidan, ekspertlar hali ko'rib chiqmagan.
Savollar
Takliflar matnga o'zi qo'llanadimi?
Yo'q. Matnga faqat siz qabul qilgan almashtirishlar tushadi: so'z oynasidagi «Almashtirish» yoki «Soddalashtirish» oynasidagi «Qabul». Hech narsa qabul qilinmasa, Word, PDF fayli va nusxa asl matnni beradi.
Natijam saqlanadimi?
Tizimga kirgan bo'lsangiz, har bir tekshiruv «Mening matnlarim» bo'limida saqlanadi. Kirmagan bo'lsangiz, natija ostidagi «Kirib saqlash» tugmasini bosing: kirgandan yoki ro'yxatdan o'tgandan keyin shu natija saqlanadi.
Matnim qayerga ketadi?
Tahlil paytida matndagi ayrim so'zlar alohida-alohida (butun gaplar emas) baholash uchun AI xizmatiga yuborilishi mumkin. Kirmasdan tekshirsangiz, matn serverda saqlanmaydi. Saqlangan matnni «Mening matnlarim»da istalgan payt o'chira olasiz.
Skaner qilingan PDF yoki kitob rasmini tekshirsa bo'ladimi?
Hozircha rasm ko'rinishidagi matn o'qilmaydi. Telefon kamerasi bilan matnni nusxalab oling (Android: Google Lens, iPhone: Jonli matn) va «Kitob sahifasidan» oynasiga joylang.
So'zning yoshi noto'g'ri baholangan bo'lsa-chi?
Administratorga yozing: ali@gmail.com. So'z va matnni ko'rsating — ekspertlar ko'rib chiqadi.